Gazeta Lajme Republika Lajm Portal

Ushtria e Ukrainës mbi një muaj ballafaqohet me forcat ruse shfrytëzon mina që janë prodhuar në kompaninë Krusik në Valjevo të Serbisë më 2018’, që u panë qartë në xhirimin që është publikuar me 13 mars edhe në kanal zyrtar të ministrisë së mbrojtjes së Ukrainës.

Sipas revistës serbe NIN kjo njëkohësisht bën të ditur se presidenti serb Aleksandar Vucic para dy vite ee gjysmë nuk ka treguar të vërtetën rreth eksportit të armëve dhe pajisjeve ushtarake nga industria që përmes Polonisë, të dërguar blerësve nga Ukrainë.

Vucic asokohe në nëntor 2019 kur kishte komentuar zbulimin se minat e minahedhësve të kalibrit 60 milimetrash nga Krusik ishin shitur Ukrainës më 2016’n, ai kishte pretenduar se bëhej fjalë vetëm për një dërgesë shkruan NIN.

Të dielën me 13 mars të këtij viti ministria e mbrojtjes së Ukrainës kishte publikuar video me kohëzgjatje 4 minuta e 34 sekondash me titull Beteja për Kiev. Moscun, ku shihen si forcat e njësive speciale të Ukrainës hapin zjarr me numër të madh predha nga minahedhësit në pozicione të ushtarëve rus në hyrje të këtij fshati në afërsi të Kiev. Në disa kuadro mund të vërehen këto mina të kalibrit 60 mm që kanë shenjën KV lot 05/2018.

Revista serbe NIN ka zbuluar se këto janë saktësisht për mina të prodhuar në Krusik në vitin 2018 (KV është shenja Krusik Valjevo).

NIN shkruan se në platformën online 52WMB ceket edhe çmimi i minave prej 82.59 dollarësh amerikanë, që kompania polake Natan secilën minë të Krusik i ka shitur kompanisë Ukrinmas.

Kjo sipas NIN nxjerr dyshimin që kompania serbe Krusic është dëmtuar në këtë transaksion, siç ishte edhe në afera tjera korrupsioni me tregtarë të autorizuar private me afërsi me pushtetin, që i kishte zbuluar hulumtuesi Aleksandar Obradovic.

NIN shton se fabrika Krusik sipas kalkulimit të tyre ka dalë mangët për 1 milion dollarë amerikanë.

NIN sipas raporteve të 2018’s që i kanë për eksportin e këtyre minave dhe deklaratave të Vucic dhe përfaqësueseve të forcave pro-ruse në lindje të Ukrainës, së paku me 23500 mina.

Gjithsej, në Ukrainë vetëm nga Krusik janë eksportuar 53500 mina.

Publikun serb, por dhe Moskën zyrtare, qeveria serbe në krye me presidentin Vucic gjatë kohë e ka mashtruar se dërgesa e fundit e minave nga Krusik për Ukrainën, përmes Polonisë ishte dërguar para 6 vitesh pretendon revista serbe NIN.