Categories: Viral

Çun Lajçi vjen me goditje te madhe per Haradinajn: Pse nuk e bleve Çakorrin pra, edhe ajo ishte tokë e babës?”

Kryetari i AAK-së, Ramush Haradinaj, ka folur në Rubikon, rreth çështjes së tokës së blerë në Gllogjan, për të cilën mbrëmë në seancën parlamentare, pati një debat me kryeministrin e Kosovës, Albin Kurti.
Ai ka deklaruar se toka që e ka blerë ka qenë e babait të tij.

”Plasshi, plasshi – plasni e çka të doni, urno toka e babës tem, e shpisë teme e katunit teme, e kom ble për vete, për katundin tem, plasshi prej inati. Çka kom me ju bo vlla”, ka thënë Haradinaj mes tjera.

Ndaj kësaj deklarate ka reaguar aktori Çun Lajçi, i cili në mënyrë artistike ka përshkruar gjithë ngjarjen me tokën e Haradinajt.

Madje, mes tjerash ka shtruar pyetjen: “Pse nuk e bleve Çakorrin pra, edhe ajo ishte tokë e babës?”

“Pi kafe pa pare të Hazirajt e Banullës e hija ime që rrin kacul mbi krye, i gjenë behane kafës këndej Ibrit e andej Drinit. Mundohet me i la ne t’Ziun e ne t’Bardhin, por s’lahen mëkatësh shqiptarët e s’u shuhet etja për toka, vila, vetura, pare e femna!”, shkruan Lajçi.

Postimi i plotë:

Hijes sime i thashë

Kur shet, duhesh me lavdua mallin. Me ia shtua afatin! Mos me i lanë kurkund njollë as dergjë!

Kur blenë, duhesh me i gjetë behane për me ia ulë pazarin. Krymbin me ia gjetë mollës së shëndoshë!

Në të dya rastet me humbë shpirtin e me rrejtë sa t’mundësh!

Kështu e nisa muhabetin sot, me hijen time që mu ul përballë, pa m’pyet, kinse mos t’rri vetëm, mos t’mërzitëm deri sa ta pi kafën.

Ne jemi t’shitun e t’blemë. T’blemë e t’shitun jemi që kur na kurdisi Zoti e s’keni pse me na i kqyrë dhambët!

I bërtita karrigës së zbrazët, ku rrin hija ime e mbrapshtë!

Por ajo mi zgurdulloi sytë si naleti! M’shiqoi e m’zhbiroi tue ma matë lulën e ballit. Thua se po i kërkonte dy gishta mbi vetullën time, me marrë hak. E për çka? Për mospajtimin e herifave t’kombit! Për shitje, blemje, grabitje, shpifje, rrena. Edhe për t’vërtetat që vrasin!

Ktheje tokën se po t’i kthejmë paret!

M’thotë hija përballë!

Se kthej, bërtas e nguli kambë si thiu n’akull. E kam ble tokën e babës! Ai ka qenë i pasun! E din krejt katundi!

Pse nuk e bleve Çakorrin pra, edhe ajo ishte tokë e babës?

Dhe mbyllet goja. Hija del mbrapa e m’hipë mbi shpatulla. Si Luli i lëpinë buzët e flet me temena!

Kimja m’ka thanë me i ndrrua bravat, se ti s’je njeri ma. Je ba nalet e tu ka rritë hunda.

Mos mu ka rritë edhe diçka tjetër? Bërtas!

As vulën s’ta jap as zyrën nuk ta lëshoj. Ti mundësh veç nëpër livadhe me mbajtë mbledhje e me kullotë!

Zotnitë prishën mes veti e ambasadorët turrën me i fry zjarrmit. S’mërzitet Evropa se kuj do ti përzhitën mustaqet!

Kryesorja naleti kcen shpatullave tona e qeshet e populli han barë.

Kështu thoshte Ramizi, s’po rrejë!?

Pi kafe pa pare të Hazirajt e Banullës e hija ime që rrin kacul mbi krye, i gjenë behane kafës këndej Ibrit e andej Drinit. Mundohet me i la ne t’Ziun e ne t’Bardhin, por s’lahen mëkatësh shqiptarët e s’u shuhet etja për toka, vila, vetura, pare e femna!
Advertisement

Ma gjejë ma shpejtë lulën e ballit e ma qëndis se s’jetohet me rrena, mashtrime e ndërskamca!

E ve gishtin n’ballë e hijës i them: Këtu asht vendi për plumbin tand! Çkrepe, se vetëm shqiptari shitët e blehet e blehet e shitët e kurrë nuk ngihet!

admin

Recent Posts

A very rare black leopard was spotted in an Indian wildlife park… Scroll down for the video of this unusual beauty…

In India’s Tadoba National Park, a highly secretive black leopard was recently spotted. The beautiful…

3 months ago

People who say they hate pets but later regret it… See their adorable photos below…

Bringing a new pet into your home isn’t always an easy decision, especially if someone…

3 months ago

After being adopted, a blind abandoned kitten can’t stop hugging her new father… See appreciating photos of kitten below…

A kitten, later named June, was spotted by a good citizen in Cape Town, South Africa,…

3 months ago

The saddest cat in the world is now unrecognizable… Read on here to know who is responsible for the change…

Meet BenBen, the Internet’s saddest cat. The kitten was spending his days in an animal…

3 months ago

Cats who nail it when it comes to the reality of our professional lives… Watch the most hilarious photos here…

These kitties have a complete understanding of how we feel about our jobs. Oh my,…

3 months ago

A lonely truck driver takes in an abandoned stray cat…

Meet Paul Robertson and his cat Percy, who are the sweetest couple you’ll ever meet.…

3 months ago