Gazeta Lajme Republika Lajm Portal

Një pastor ukrainas, baba i dy fëmijëve është duke shërbyer si komandant i batalionit vullnetar për 120 ushtarë të moshave nga 18 deri në të 70-t.
Në një intervistë për CNN, Oleg Madgych, tha se shumica e ushtarëve që ai ndodhen, ishin civilë para luftës dhe kanë disa javë në trajnim intensive.

“Tetëdhjetë për qind e njësive të mia janë njerëz që nuk kanë mbajtur kurrë një armë në dorë në jetën e tyre. Ata janë shoferë të zakonshëm kamionësh, juristë”, tha Magdych.
Ai nuk raportoi asnjë lëndim në batalionin e tij në angazhimin e tyre të fundit pranë Kievit dhe tha se shumë ushtarë u mësuan shpejt pasi luftimet filluan.

“Për ditët e para, ata po përpiqen të debatojnë me mua dhe po përpiqen të tregojnë pse nuk duhet të bëjnë atë që unë u them të bëjnë, si gërmimi i llogoreve,” tha Magdych.
Por unë po ju them, pas granatimeve të para, të gjithë duan të hapin llogore.

Magdych vlerësoi besimin e dhënë dhe mbështetjen e trupave që komandon. Gjithashtu foli edhe ëpr punën që po bën familja e tij. Pastori tregoi se e shoqja ndodhet në Ukrainën Perëndimore duke ndihmuar ukrainasit që të largohen nga vendi.

“Ajo është heroi im. Ajo nuk donte të shkonte në Evropë. Ajo vendosi të qëndrojë në Ukrainë dhe të presë fitoren atje”, tha ai.

Djali i tyre më i vogël i është bashkuar Forcave të Mbrojtjes Territoriale që mbrojnë Ukrainën perëndimore dhe “dëshiron keq të jetë me mua”, tha Magdych.

“Por i thashë se ai ka një detyrë më të rëndësishme. Ai duhet të kujdeset për nënën e tij. Pra, kjo është ajo që ai po bën për momentin.”